Videoselektor

Oliy va o‘rta maxsus ta’lim vazirligi tizimida bajarilayotgan ilmiy-tadqiqotlar holati hamda fan sohasini boshqarishning yangi tizimini tanishtirish bo‘yicha videoselektor majlisi o‘tkazildi

Joriy yilning 8 iyun kuni Oliy va o‘rta maxsus ta’lim vazirligi tizimida bajarilayotgan ilmiy-tadqiqotlar holati hamda fan sohasini boshqarishning yangi tizimini tanishtirish bo‘yicha videoselektor majlisi o‘tkazildi.

Majlisda Fan va texnologiyalar agentligi Bosh direktori Mahmudjon Boltabayev, Bosh direktorning birinchi o‘rinbosari Odilxo‘ja Parpiyev, Oliy va o‘rta maxsus ta’lim vazirligi Boshqarma boshlig‘i Baxrom Ismoilov, barcha oliy ta’lim muassasalari rektorlari, prorektorlari, ilmiy bo‘lim boshliqlari va ma’sul xodimlar ishtirok etishdi.

Tadbirni B.Ismoilov ochib berdi. Yangi tashkil etilgan O‘zbekiston Respublikasi Fan va texnologiyalar agentligining faoliyatini yaqindan tanishtirish, kelgusida olib borilishi mo‘ljallanayotgan tadqiqotlarga qo‘yiladigan yangi talablar hamda yaqin kelajakda fan va texnologiyalarni yuqori darajaga ko‘tarish bo‘yicha taklif va tavsiyalarni ishlab chiqishni muhokama qilish yuzasidan so‘z Agentlik Bosh direktori M.Boltabayevga berildi.

M.Boltabayev O‘zbekiston Respublikasi Prezidentining 2017 yil 17 fevraldagi PQ-2789-sonli “Fanlar akademiyasi faoliyati, ilmiy-tadqiqot ishlarini tashkil etish, boshqarish va moliyalashtirishni yanada takomillashtirish chora-tadbirlari to‘g‘risida”gi qarori asosida Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo‘mitasi faoliyati tugatilib, uning negizida O‘zbekiston Respublikasi Fan va texnologiyalar agentligi tashkil etilgani va O‘zbekiston Respublikasi Bosh vaziri rahbarligida Fan va texnologiyalar bo‘yicha Davlat komissiyasi tuzilgani va ushbu komissiyaning ishchi organi sifatida Fan va texnologiyalar agentligi belgilanganini ta’kidladi.

Qolaversa, hozirgi kunda vazirlik tizimida bajarilayotgan ilmiy loyihalarni tahliliy ma’lumotlar asosida tanqidiy o‘rganligini aytib o‘tdi.

Joriy yil 19 mayda Vazirlar Mahkamasining 302-sonli “Ilmiy-tadqiqot faoliyatini tashkil etish, boshqarish va moliyalashtirishni takomillashtirish chora-tadbirlari to‘g‘risida”gi qarori qabul qilinib, Agentlikning nizomi tasdiqlandi. Nizomga asosan Agentlikning vazifalari, huquq va majburiyatlari ko‘rsatib berilgan.

Mazkur yuqorida aytilgan qarorlarga asosan:

Agentlik ilmiy-texnik faoliyat sohasida yagona davlat siyosati amalga oshirilishini ta’minlaydigan alohida davlat boshqaruvi organi;

respublikaning ilmiy-tadqiqot, ta’lim tashkilotlari va boshqa tashkilotlari tomonidan amalga oshiriladigan davlat ilmiy-texnik dasturlari va loyihalarining yagona buyurtmachisi etib belgilangan.

Shu bilan bir qatorda, Ilmiy-texnik faoliyatni qo‘llab-quvvatlash va rivojlantirish jamg‘armasi tashkil etildi.

Ushbu jamg‘arma mablag‘lari hisobidan:

  • yangi tipdagi va zamonaviy yuqori texnologik asbob-uskunalar bilan jihozlangan ilmiy laboratoriyalar tashkil etiladi;
  • davlat ilmiy-texnika dasturlari doirasida yaratilgan intellektual mulk ob’ektlarini chet elda patentlashtiriladi;
  • laboratoriyalar uchun qo‘shimcha zamonaviy ilmiy asbob-uskunalar, va butlovchi qismlar bilan ta’minlanada;
  • ilmiy-tadqiqot va oliy ta’lim muassasalarining yetakchi ilmiy elektron ma’lumotlar bazasiga obuna tashkil qilinadi;
  • yosh olimlarning yetakchi xorijiy ilmiy markazlarda, zamonaviy ilmiy va texnologik asbob-uskunalarda ishlashni o‘rganishlari uchun tashkil etiladigan qisqa muddatli ilmiy tajriba stajirovkalarini tashkil etiladi.

Mazkur yo‘nalishlar bo‘yicha takliflar Agentlik tomonidan tayyorlanadi va Davlat komissiyasi ruxsati bilan amalga oshiriladi.

  • hududlardagi ba’zi oliy ta’lim muassasalari Davlat ilmiy-texnika dasturlarini ijrosida ishtirok etmaydi, chunki saviyasi past loyiha bilan tanlovdan o‘ta olmaydi;
  • olib borilayotgan tadqiqotlar hududlar yoki korxonalarning ehtiyojidan kelib chiqib amalga oshirilmaydi;
  • tadqiqotlar muassasa va hududning ustuvor yo‘nalishlariga mos kelmagan holda olib boriladi;
  • mahalliy boshqaruv organlari bilan axborot almashinuvi yo‘q – deydi Agentlik Bosh direktori.

O‘zbekiston Respublikasi Fan va texnologiyalar agentligi faoliyati davomida yuqoridagi kamchiliklarni bartaraf etish yuzasidan yangi tizimda qo‘yidagilarni amalga oshiradi:

  • Mavjud muammolarni yechishga qaratilgan maqsadli dasturlar shakllantiriladi;
  • Respublika ilmiy salohiyatini rivojlantirish yuzasidan ilmiy muassasalarning moddiy-texnik bazasini mustahkamlash, yangi zamonaviy laboratoriyalar tashkil etish va bazaviy moliyalashtirish bo‘yicha tadbirlar amalga oshiriladi;
  • Salohiyatli ilmiy maktablarni asrash va ularni rivojlantirish maqsadida muntazam yirik fundamental loyihalar shakllantiriladi;
  • Barcha olim-tadqiqotchilar tashabbuskor loyihalar bajarish imkoniyatiga ega bo‘ladi.

Videoselektor majlisida yangi tizimni barcha ishtirokchilar qo‘llab quvvatladi va kelgusida keltirilgan kamchiliklarga oliy ta’lim muassasalari rahbarlari tomonidan yo‘l qo‘yilmasligiga kelishib olindi.

Majlis yakunida Oliy va o‘rta maxsus ta’lim vazirligi hamda Fan va texnologiyalar agentligi o‘rtasida qo‘shma Bayon imzolandi.